Д.Дагвадорж нарын 3 захирлыг суллажээ
 
Энэ мэдээ хуучирсан буюу 2022/12/26-нд нийтлэгдсэн мэдээ болно.
Ангилал
Улс төр
Огноо
Унших
1 минут 50 секунд

Д.Дагвадорж нарын 3 захирлыг суллажээ

Д.Дагвадорж нарын 3 захирлыг суллажээ

"Тавантолгой транс” ХХК-ийн гүйцэтгэх захирал Д.Дагвадорж, "МБМ транс” ХХК-ийн гүйцэтгэх захирал Г.Мөнхдөл болон "Зун Мен” ХХК-ийн гүйцэтгэх захирал Ши Шао Хуа нарын гурван хүнийг яллагдагчаар татаж, нэг сар цагдан хорих шийдвэрийг шүүхээс гаргасан. Тэгвэл эдгээр хүмүүсийг цагдан хорих захирамж нь харьяаллын бус гэдэг үндэслэлээр хүчингүй болж, арванхоёрдугаар сарын 23-ны өдөр суллажээ.

Тодруулбал, Эрүүгийн хэрэг хянан шийдвэрлэх тухай хуулийн 2.3 дугаар зүйлийн 3 дахь хэсэгт “Хэрэг бүртгэлт, мөрдөн байцаалт явуулах хэд хэдэн байгууллагын эрх хэмжээнд харьяалагдах гэмт хэрэгт хэрэг бүртгэлт, мөрдөн байцаалт явуулах харьяаллыг прокурор тогтооно” гэж заасны дагуу тус хэрэгт мөрдөн байцаалт явуулах харьяалал тогтоосон прокурорын шийдвэр аваагүй, мөн хэрэгт Эрүүгийн цагдаагийн албаны Эдийн засгийн гэмт хэрэгтэй тэмцэх хэлтэс мөрдөн байцаалт явуулсан байх ба Эрүүгийн цагдаагийн албаны Эдийн засгийн гэмт хэрэгтэй тэмцэх хэлтэс нь Чингэлтэй дүүргийн нутаг дэвсгэрт хамаарна.

Өөрөөр хэлбэл, нийслэлийн прокурорын газраас яллагдагч нарт цагдан хорих таслан сэргийлэх арга хэмжээ авхуулахаар ирүүлсэн саналыг мөрдөн байцаалт явуулах харьяалал тогтоосон прокурорын шийдвэр хэрэгт авагдаагүйгээс Хан-Уул дүүргийн Эрүүгийн хэргийн анхан шатны шүүхээр шийдвэрлэх үндэслэлгүй буюу харьяалал зөрчигдсөн гэж дүгнэн яллагдагч нарт цагдан хорих таслан сэргийлэх арга хэмжээ авсан шүүгчийн захирамжийг хүчингүй болгож шийдвэрлэжээ.

“Нэг их наядын хөрөнгө оруулж, казино байгуулах лиценз авна”
“Нэг их наядын хөрөнгө оруулж, казино байгуулах лиценз авна”
 
Москвагийн халдлагын үеэр 100 гаруй хүн сураггүй алга болжээ
Москвагийн халдлагын үеэр 100 гаруй хүн сураггүй алга болжээ
Энэ мэдээ хуучирсан буюу 2022/12/26-нд нийтлэгдсэн мэдээ болно.