НӨАТ-ын сугалааны шууд тохирол аравдугаар сарын 12-ны 13:00 цагт явагдахаар болсныг Татварын байгууллагаас мэдээллээ. Энэ удаагийн тохиролд 2022 оны есдүгээр сарын 1-30-ны хооронд худалдан авалт хийсэн баримтаа бүртгүүлж урамшууллын сугалаанд хамрагдах боломжтой. Түүнчлэн, сугалааны тохирлыг Ebarimt аппликэйшний сугалаа цэсээр шууд үзэх боломжтой болсон байна. Ингэхдээ “EBARIMT APP”-ыг update хийж шинэчлэх шаардлагатай аж.
НӨАТ-ын сугалааны тохиролд:
- 3 орон таарвал 40,000 төгрөг
- 4 орон таарвал 60,000 төгрөг
- 5 орон таарвал 100,000 төгрөг
- 6 орон таарвал 500,000 төгрөг
- 7 орон таарвал 5,000,000 төгрөг
- 8 орон таарвал 10,000,000 төгрөгийн урамшуулал авах юм.
