Одоогоос 26 жилийн өмнө буюу 1998 оны аравдугаар сарын 02-ны өдөр Төр нийгмийн нэрт зүтгэлтэн, УИХ-ын гишүүн С.Зориг бусдын гарт амиа алдсан харамсалтай хэрэг гарсан. Түүний төрсөн өдөр дөрөвдүгээр сарын 20-ны өдөр тохиох бөгөөд тэрбээр амьд сэрүүн байсан бол 72 нас хүрэх байв.
Сүүлийн өдрүүдэд С.Зориг агсны хөшөө байрлаж буй газрын талаар янз бүрийн мэдээлэл хэвлэл мэдээллийн хэрэгслээр гарсан. Тодруулбал, МоАХ-ны гаралтай "Шинэ дэвшилтэд холбоо"-ноос С.Зориг агсны хөшөөг нүүлгэн шилжүүлж, газар дээр нь өндөр барилга барихаар төлөвлөсөн талаар Хотын дарга Х.Нямбаатар мэдэгдсэн. Үүнийг АН-аас эрс үгүйсгэсэн бөгөөд холбогдох газрууд С.Зориг агсны төрсөн өдрийг тохиолдуулан хөшөөг нь хамгаалалтад авч, соёлын өвд бүртгүүлэх чиглэлийг өгчээ.
