УИХ-ын дарга Г.Занданшатар Согтууруулах ундааны эргэлтэд хяналт тавих, архидан согтуурахтай тэмцэх тухай хуулийн төслийн талаар сэтгүүлчдэд танилцууллаа. Тус хуулийн төсөлд бусдыг архи согтууруулах ундаа хэрэглэхийг шаардах үйлдлийг хориглохоор тусгаж өгсөн талаар тэрбээр онцоллоо.
Тэрбээр "Архи, согтууруулах ундааны нийгэмд учруулж буй хор хөнөөлийг бууруулах, бусдыг архидан согтууруулах ундаа хэрэглэхийг шаардаж биеэ авч явах чадваргүй болгох зэрэг нийгмийн гажуудсан үзэгдлийг бууруулахад тус хуулийн гол зорилго оршиж байгаа юм" гэв.
