Аэробик, гимнастикийн 33 дахь удаагийн Дэлхийн цомын тэмцээн Япон улсын нийслэл Токио хотод боллоо. Тус тэмцээнд Монгол Улсаа төлөөлөн оролцсон гимнастикч Ч.Батбуян өсвөрийн 15-17 насны ангилалд мөнгөн медаль хүртэж, Төрийн далбаагаа мандууллаа.
Ч.Батбуян өмнө нь 2017 оны Азийн аварга шалгаруулах тэмцээнээс мөнгөн медаль хүртсэн бол 2018 онд ДАШТ-д зургаадугаар байрт шалгарсан юм. Мөн энэ жил Азийн АШТ-ээс хүрэл медаль хүртсэн.
Сонирхуулахад, Аэробик, гимнастикийн 33 дахь удаагийн Дэлхийн цомын тэмцээнийг Монгол Улсаас олон улсын шүүгч Б.Оюун дэнсэллээ.
