Нүүрсний хэрэгт шалгагдаж буй эрх бүхий албан тушаалтнууд ₮13.8 тэрбумын хахууль авсан байж болзошгүй нөхцөл тогтоогджээ
 
Ангилал
Нийгэм
Огноо
Унших
1 минут 43 секунд

Нүүрсний хэрэгт шалгагдаж буй эрх бүхий албан тушаалтнууд ₮13.8 тэрбумын хахууль авсан байж болзошгүй нөхцөл тогтоогджээ

Нүүрс олборлолт, экспорт, боомтын нүүрсний тээвэрлэлт, төлбөртэй холбогдсон хэргийг мөрдөн шалгах явцад 15 яллагдагчид цагдан хорих таслан сэргийлэх арга хэмжээг авснаас одоогоор 7 яллагдагч цагдан хоригдож байна хэмээн АТГ-аас мэдээллээ.

Улсын хилээр гарахыг хязгаарласан 19, албан үүргийг биелүүлэхийг түдгэлзүүлэх 5, хувийн баталгаа авах таслан сэргийлэх арга хэмжээг 33 яллагдагчид авчээ.

Одоогийн байдлаар мөрдөн шалгах ажиллагааны явцад эрх бүхий албан тушаалтнууд 13,851,252,359 (13.8 тэрбум) төгрөгийн хахууль авсан байж болзошгүй нөхцөл байдал тогтоогдож хөрөнгийн шилжилт хөдөлгөөнийг хязгаарласан байна.

Битүүмжилсэн эд хөрөнгө болон гүйлгээ:

  • 64 үл хөдлөх хөрөнгө (орон сууцны 61, оффисын 3 талбай)
  • 42 тээврийн тээврийн хэрэгслийн шилжилт хөдөлгөөнийг
  • 35 иргэн, 37 хуулийн этгээдийн арилжааны банкан дахь зарлагын гүйлгээг
  • 4 иргэний 3.2 тэрбум төгрөгийн үнэлгээ бүхий үнэт, цаас бондыг битүүмжилжээ.

АТГ-аас "Нэгжлэгийн явцад илэрсэн 630,000,000 төгрөг, 230,000 ам.долларыг хураан авч, эх үүсвэрийг шалгаж байна.

Мөрдөн шалгах ажиллагаа үргэлжилж байгаа учир Эрүүгийн хэрэг хянан шийдвэрлэх тухай хуулийн 29.3 дугаар зүйл (Хэрэг бүртгэлт, мөрдөн байцаалтын нууцлал)-ийн 1, 5 дахь хэсэгт зааснаар хэрэг бүртгэлт, мөрдөн байцаалтын төлөвлөлт, явц, үр дүнгийн нууцлалыг хангаж ажиллах үүрэгтэй бөгөөд хэрэг бүртгэлт, мөрдөн байцаалтын материалыг прокурорын зөвшөөрснөөр нийтэд мэдээллээ" гэв.

БШУЯ: Сурагчдын амралтын хуваарь хэвээрээ байгаа, нэгдүгээр сарын 30-нд хичээл эхэлнэ
БШУЯ: Сурагчдын амралтын хуваарь хэвээрээ байгаа, нэгдүгээр сарын 30-нд хичээл эхэлнэ
 
Приус машины нүүрсэн яндан хулгайлдаг гурван бүлэг, 12 этгээдийг илрүүлжээ
Приус машины нүүрсэн яндан хулгайлдаг гурван бүлэг, 12 этгээдийг илрүүлжээ
Сэтгэгдэл (0)
Анхаар!
Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд хариуцлага хүлээхгүй. !!!