Зэвсэгт хүчний 326 дугаар ангид хугацаат цэргийн алба хааж байсан 21 настай Д амиа алдсан хэрэг гарсан.
Тэгвэл энэхүү асуудалтай холбогдуулан УИХ-ын гишүүн Н.Алтанхуяг өнөөдрийн /2023.11.16/ чуулганы нэгдсэн хуралдааны үеэр "Ажил хийхгүй юм уу, та нар. Сонгуульдаа бэлдээд л байх юм. Төсвийнхөө мөнгөөр л сонгууль хийх гээд байх юм аа. Тэр Батлан хамгаалахын сайд нь тэр цэрэг ямар байсныг мэднэ гэж ярьж байна. Сайдын мэддэг нэг ч цэрэг байхгүй шүү. Танай намынхан, бүлэг, Засгийн газар нь тэр сайддаа арга хэмжээ авахгүй юм уу. Энэ тайван цагт маш олон ардын хүүхдүүд үхэж, үрэгдэж байна шүү дээ. Хүүхдээ цэрэгт явуулсан болохоос оршуулгын газар руу явуулаагүй юм байгаа биз дээ. Та нар арга хэмжээ аваарай" хэмээн ярилаа.
