Автобус худалдан авах олон улсын тендерийг өнөөдөр нээнэ
 
Ангилал
Нийгэм
Огноо
Унших
1 минут 40 секунд

Автобус худалдан авах олон улсын тендерийг өнөөдөр нээнэ

Нийтийн тээвэр худалдан авах олон улсын тендер 2023 оны аравдугаар сарын 24-нд зарласан. Тендер нээх хуулийн хугацаа өнөөдөр /2023.11.24/ 09:30 цагт нээхээр товлогдсон. Тендерийн талаар мэдээллийг үнэлгээний хорооныхон мэдээлэл өгнө.

Тендерийн үнэлгээний хорооны дарга н.ГАНБОЛД:

-Нийслэлийн нийтийн тээврийн автобус нийлүүлэх нээлтийн ажиллагааг зохион байгуулж байна. Нийтийн тээвэрт парк шинэчлэлт хийх Нийтийн тээврийн газрын гэрээг цуцалсныг та бүхэн мэдэж байгаа. Улсын төсвийн хөрөнгө оруулалтаар 2023 онд Улаанбаатар хотын автозамын түгжрэлийг бууруулах ажлын хүрээнд хэрэгжүүлэх төсөл арга хэмжээг баталж, энэхүү арга хэмжээг Нийслэлийн Засаг Даргын тамгын газарт худалдан авах ажиллагааны эрхийг шилжүүлсэн.

Хотын Засаг даргын захирамжийн дагуу үнэлгээний хороо байгуулагдсан.

Үнэлгээний хороо 2023 оны аравдугаар сарын 24-нд тендерийг зарлаж, нэг сарын дараа тендерийн баримт бичгийг нээж байгаа юм. Өнгөрсөн хугацаанд тендер оролцох сонирхолтой этгээдүүдэд нийт 20 удаагийн тодруулга өгч ажилласан. Сангийн сайдын 2021 оны 108 дугаар тушаалаар батлагдсан үнэлгээний хорооны үйл ажиллагааг зохицуулсан журмын 2,26-д заасныг үндэслэн Нийслэлийн Засаг даргын 2023 оны арваннэгдүгээр сарын А1315 дугаар захирамжаар Нийслэлийн худалдан авах ажиллагааны газар энэхүү төсөл хөтөлбөр гүйцэтгэгчийг сонгон шалгаруулах эрхийг шилжүүлсэн байгаа.

Төөрсөн, сураггүй болсон 333 иргэнийг эсэн мэнд оллоо
Төөрсөн, сураггүй болсон 333 иргэнийг эсэн мэнд оллоо
 
Метроны бүтээн байгуулалтад 333 тэрбум, зөвлөх үйлчилгээнд 54.6 тэрбум төгрөг зарцуулна
Метроны бүтээн байгуулалтад 333 тэрбум, зөвлөх үйлчилгээнд 54.6 тэрбум төгрөг зарцуулна
Сэтгэгдэл (0)
Анхаар!
Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд хариуцлага хүлээхгүй. !!!