Хан-Уул дүүргийн 13 дугаар хороонд оршин суух иргэн Б гэгч 47 настай эрэгтэй нь хамтран амьдрагч эмэгтэйгээ хөнөөгөөд цогцсыг нь мөчилж, нохойд өгсөн байж болзошгүй хэрэг гарсан. Тус хэргийн шүүх шинжилгээний дүгнэлт гарсан гэх мэдээллийг эх сурвалжууд дурджээ.
Тодруулбал, Шүүх шинжилгээний үндэсний төвийн шинжээчийн дүгнэлтээр нохдын байрнаас олдсон яс нь сураггүй алга болсон иргэн Ц-ийн ээжийн ДНХ-тэй таарч байгаа нь тогтоогдоод байгаа аж. Уг хэрэгт холбогдох мөрдөн шалгах ажиллагаа үргэлжилж байгаа тухай эх сурвалж дурдсан байна.
