Хан-Уул дүүрэгт эхнэрээ хөнөөгөөд нохойд өгсөн ноцтой хэрэг гарсан талаар өмнө нь мэдээлж байсан.
Тодруулбал, Б гэгч 47 настай эрэгтэй нь эхнэрээ хөнөөгөөд цогцсыг нь мөчилж, нохойд өгсөн хэрэг өнгөрсөн хоёрдугаар сард гарсан.
Хохирогч эмэгтэй сураггүй алга болоод байсан бөгөөд цагдаагийн байгууллагаас эрэн сурвалжлах ажиллагааг зохион байгуулсны үр дүнд тус хэргийг өнгөрсөн сарын 21-ний өдөр илрүүлсэн. Өдгөө тус хэргийг хуулийн байгууллагын хамтарсан ажлын хэсэг мөрдөн шалгаж байгаа юм.
Эх сурвалжийн мэдээлснээр тухайн хэргийг үйлдсэн этгээд нь олон тооны нохой тэжээдэг, хар тамхи, мансууруулах төрлийн бодис хэрэглэдэг байж болзошгүй бөгөөд түүний 12 нохойг цагдаагийн байгууллагаас устгах гэсэн ч боломжгүй болжээ. Учир нь ноход нь бүгд гэрчилгээтэй учраас цагдаагийнхан “устгах боломжгүй” гэсэн тайлбар хэлсэн ба хэрэгт холбогдогч Б-ын дүү нь тухайн нохдыг авч явж, хамаатан садан, найз нөхдөдөө тараан өгчээ.
Сэтгэгдэл (0)
Анхаар!
Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд хариуцлага хүлээхгүй. !!!