Нийслэлийн зарим орон сууцны хорооллын цахилгаан шат гацаж, иргэд аюулд өртөх тохиолдол их гардаг. Тэгвэл өчигдөр нэр бүхий хорооллын цахилгаан шатанд зорчиж явсан 11 хүн гацсан тохиолдол гарчээ.
Энэ талаар тус байрны оршин суугч “Манай хорооллын лифтэнд 11 хүн чихэлдэж ороод, даац хэтэрсэнээс болоод гацаж, агааргүйдээд зарим нь ухаан балартсан байна. Өөрсдөө дундын өмчөө эвдээд, дараа нь СӨХ-өө муулж нервээ бараад. Юу ч гэх вэ дээ. Лифтээр үйлчлүүлэх мэдлэг ч байхгүй” хэмээн цахим сүлжээнд бичжээ. Харин энэ талаар зарим иргэд “Даац хэтэрвэл явахгүй байх ёстой. Хаалга буцаад нээгдэнэ. Хэрвээ тэгэхгүй шууд яваад, гацаж байвал СӨХ-д хариуцлага тооцох хэрэгтэй. Сар бүрийн үзлэг, жил тутмын магадлан оруулж хийгдэх үйлчилгээ, засварыг цаг тухайд нь хийлгэж аюулгүй байдлыг хангаж байгаа эсэхийг шалгах хэрэгтэй” гэх байр суурийг илэрхийлжээ.
