Шинэ автобуснуудыг сүйтгэх тохиолдол гарсаар байна гэв
 
Огноо
Унших
1 минут 18 секунд

Шинэ автобуснуудыг сүйтгэх тохиолдол гарсаар байна гэв

Автобусны камерт харагдахгүй хэсэгт зарим зорчигч суудлын бүрээсийг зүсэх, урах, гар утас цэнэглэгч залгуурт чихрийн цаас, зажилсан бохь зэрэг хогоо хийх тохиолдол гарсаар байгаа аж. Иймд иргэд, зорчигчдыг автобусаар соёлтой үйлчлүүлж, нийтийн хөрөнгөдөө гамтай хандахыг Нийслэлийн Засаг Даргын Тамгын Газар (НЗДТГ)-аас уриаллаа.

Өнгөрсөн сард дунд сургуулийн сурагчид нийтийн тээврээр зорчихдоо автобусны сандлын бүрээс зүсэж, 1.5 сая төгрөгийн эд хөрөнгө сүйдэлсэн зөрчил гарсан юм. Мөн ослын үед ашиглах зориулалттай алхыг авч явах, гар утасны цэнэглэх залгуурт хог хаягдал чихэн эвдэлсэн тохиолдол гарч байсан талаар мэдээлж байв. Улаанбаатар хотын нийтийн тээвэрт шинээр нэвтрүүлсэн Yutong загварын автобус нь гадна талдаа гурав, дотор талдаа дөрвөн камераар бичлэг хийж баримтжуулан хоёр сарын хугацаатай хадгалах хүчин чадалтай.

Иймд автобусанд үйлдэгддэг халаасны хулгай, танхайн, олон нийтийн эд хөрөнгийг сүйдэлсэн үйлдлийг баримтжуулан арга хэмжээ авч байгаа аж.

Хөтөлийн “Цемент шохой“ ХХК-д дэлбэрэлт болоогүй гэв
Хөтөлийн “Цемент шохой“ ХХК-д дэлбэрэлт болоогүй гэв
 
СЕХ “Үндэсний Эвсэл“-ийн тэргүүн Н.Номтойбаярыг нэр дэвшигчээр бүртгэж авлаа
СЕХ “Үндэсний Эвсэл“-ийн тэргүүн Н.Номтойбаярыг нэр дэвшигчээр бүртгэж авлаа