Нийгмийн даатгалын шимтгэлээ өөрөө хариуцан төлсөн зарим даатгуулагчийн шимтгэлийн 50 хувийг буцаан олгох журмыг Засгийн газраас баталсан.
Энэ журмын дагуу нэг сая ба түүнээс доош төгрөгийн нийгмийн даатгалын шимтгэл ногдуулах сарын хөдөлмөрийн хөлс, түүнтэй адилтгах орлогоос шимтгэлээ төлсөн даатгуулагч өөрийн хариуцан төлсөн 2022 оны 5-12 дугаар сарын шимтгэлийн 50 хувийг сар бүр буцаан авна.
Даатгуулагчийн тавдугаар сарын шимтгэлийн буцаан олголтыг энэ сарын 25-ны өдрөөс эхлэн дансанд нь шилжүүлнэ.
Эх сурвалж: Нийгмийн даатгалын ерөнхий газар
