Японы ерөнхий сайдын Зеленскийд авчирсан бэлэг
 
Энэ мэдээ хуучирсан буюу 2023/03/27-нд нийтлэгдсэн мэдээ болно.
Ангилал
Дэлхий
Огноо
Унших
2 минут 43 секунд

Японы ерөнхий сайдын Зеленскийд авчирсан бэлэг

Японы ерөнхий сайд Фүмио Кишида энэ сарын 21-ний өдөр Украинд гэнэт айлчилсан. Энэхүү айлчлалаар Украиныг дэмжиж буйгаа илэрхийлэхийн сацуу дөрвөн тэрбум иенийн батлан хамгаалахын бус тусламж үзүүлэхээр болжээ.

Кишида галт тэргэнд сууж буй дүрсийг харахад түүний хамгаалагчид хайрцагтай зүйл барьсан байжээ. Уг хайрцаг нь Үмайбо нэртэй хөөмөл эрдэнэ шишийн амттаны хайрцаг байсан нь олны анхаарлыг татав. Энэ амттан нь урт цилиндр хэлбэртэй бөгөөд Японы янз бүрийн бүс нутагт эрдэнэ шиш, бяслаг зэрэг өөр өөр амттай байх нь бий.

Цахим сүлжээнд хэрэглэгчид хайрцагтай зүйлийн талаар хэлэлцэж эхэлсэн байна. "Энэ бол үндэсний батлан хамгаалахын төлөөх зүйл", "Аяллаар явахдаа идэхэд хамгийн тохиромжтой амттан. Тус бүр нь 12 иен бөгөөд тавыг идэхэд л цадна", "Магадгүй энэ Үмай буу биз", "Үмайбогийн сайхан амт дайны урсгалыг эргүүлэх болтугай", "Зеленский энэ амттанд дуртай юм байх даа?", "Миномётыг украин хэлээр хэлэхэд Үмайбо гэдэгтэй адилхан сонсогддог юм байх даа" гэх мэтээр хүмүүс сэтгэгдлээ бичжээ.

Үмайбо амттай нь үнэн ч долоогоос дээш насны хүнд бэлэглэхэд тийм ч тохиромжтой биш юм. Гэхдээ айлчлалын дараа уг хайрцаг дотор юу байсан нь тодорхой болжээ. Хайрцаг дотор амттан бус шаможи гэж япон хэлээр нэрлэдэг будааны модон халбага байсан. Будааны модон халбаганы түүх 1904 оны дайны үеэс эхтэй. Тухайн үед япон цэргүүд Хирошима дахь Ицүкүшима сүмд будааны халбагаар ёслол үйлдэж байсан. Япон хэлний мэшиторү буюу баривчлах гэсэн үг нь будаа, хутгах гэсэн хоёр үгтэй ижил дуудлагатай. Тиймээс будаа хутгадаг уг модон халбага нь эртнээс ялалтын бэлгэ тэмдэг болжээ.

Тиймээс Украины ялалтыг бэлгэдэж Кишида энэ бэлгийг авчирсан нь дамжиггүй. Кишида өөрөө Хирошимагаас гаралтай бөгөөд түүнийг ерөнхий сайдаар сонгогдох үед намынхан нь "баталгаатай амжилт" гэж бичсэн 50 см урт будааны модон халбага бэлэглэж байв. Зеленскийд бэлэглэсэн халбага нь үүнээс арай жижиг байсан.

650x450_17373365

Селена Гомез хайрын гурвалжин үүсгэв
Селена Гомез хайрын гурвалжин үүсгэв
 
СЕХ “Үндэсний Эвсэл“-ийн тэргүүн Н.Номтойбаярыг нэр дэвшигчээр бүртгэж авлаа
СЕХ “Үндэсний Эвсэл“-ийн тэргүүн Н.Номтойбаярыг нэр дэвшигчээр бүртгэж авлаа