Ж.Бат-Эрдэнэ: Таван боодол өвс бариад малчдадаа хайр зарлаад гүйж байх шиг
 
Ангилал
Улс төр
Огноо
Унших
2 минут 38 секунд

Ж.Бат-Эрдэнэ: Таван боодол өвс бариад малчдадаа хайр зарлаад гүйж байх шиг

УИХ-ын гишүүн Ж.Бат-Эрдэнэ зудын нөхцөл байдлын талаар өөрийн үзэл бодлоо илэрхийлжээ.

Энэ тухай тэрээр: Машин угаалгах зуур бодсоноо тэрлэлээ.

Үнэхээр энэ өвөл, хавар хүндхэн болж байна. Гэхдээ Монгол нутагт болдог л өвөл хавар шүү. Гэнэтийн мэт сандралдах юун. Энэ удаад би жаахан хатуухан хандаж байгаа. Мал аж ахуйдаа шинэчлэл хийх, малчдаа дэмжих, хагас суурин маллагаатай болгох гээд Шинэ хөдөө хөтөлбөр энэ тэр гээд зөндөө санал санаачлага гарган ажиллаж байгаа. Үүнийг ойлгож дэмжсэн нь хэд вэ. Малчдаа дэмжих гэхээр хэдэн малчдаа давраалаа. Мал гэдэг малчны хувийн өмч. Зах зээл өөрөө бүхнийг зохицуулна гэдэг хүмүүс өнөөдөр таван боодол өвс бариад малчидлаа хайр зарлаад гүйж байх шиг. Зуд дахиад ч болно. Тэр бүрт бид гүйж очсоор л байх уу. Мал аж ахуйг шинэчлэх гэхээр малын ээмэг ярьдаг сайд, яамтай улс шүү дээ бид чинь. Аль болгон нэг зуднаар хамгаа бардаг МАА-тай байх вээ. МАА-гаа шинэчлэх, малчдаа дэмжих цаг нь болсон. Хэдэн малчдын асуудал яриад байгаа зүйл огтхон ч биш. Үүний цаана хүнсний хангамж, хүнсний аюулгүй байдал, мал аж ахуй гэсэн ЭЗ-н томоохон салбарын асуудал яригдана. Сайн хөгжүүлж шинэчилж чадвал дэлхийн зах зээлд тоглогч ч болох боломжтой. Томоор харж хөгжилтэйгээ хөл нийлүүлж шинэчлэх цаг нь болсон бус уу. Нүүдлийн мал аж ахуй л гэнэ. Нүүдлийн соёл иргэншил л гэнэ. Мал дагаж нүүж амьдрах нь чухал уу. Нүүдлийнх гээд задгай малтайгаа цас шуурганд уруудаад амь насаараа дэнчин тавьж эрсдэж амьдрах нь чухал уу. Эсвэл малаа эргэлтэд оруулж ашиг олж амьдрах нь чухал уу. Малынхаа өвчнөөс салж, мал махаа экспортод гаргаж малчдаа хөл дээр нь босговол хэдэн малчид маань төрөөс харалгүй өөрсдөө хэдэн хашаа саравчаа барьчих байх аа гэжээ.

Өрхийн сарын дундаж мөнгөн орлого, зарлага 2.2 сая төгрөг болжээ
Өрхийн сарын дундаж мөнгөн орлого, зарлага 2.2 сая төгрөг болжээ
 
Дуучин A Cool элэгний хорт хавдраар өвчилжээ
Дуучин A Cool элэгний хорт хавдраар өвчилжээ
Сэтгэгдэл (0)
Анхаар!
Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд хариуцлага хүлээхгүй. !!!