Увс аймгийн Бөхмөрөн суманд хилийн цэргийн алба хаагч осгож нас барсан хэрэг гарчээ.
Эх сурвалжийн мэдээлж буйгаар Хилийн цэргийн 0245 дугаар ангийн хилийн цэргийн 0227 дугаар салбарын хилийн харуулыг халалцуулахаар 8 хүний бүрэлдэхүүнтэй бүлэг хоёрдугаар сарын 29-нд явсан бөгөөд нэгнийхээ төрсөн өдрийг тэмдэглэх нэрийдлээр архидан согтуурч, алба хаагч “Б” нь хилийн цэргийн салбар руугаа явган явж байгаад замдаа осгосон гэжээ.
Талийгаачийг энэ сарын 1-2-нд шилжих шөнө 01.00 цагийн үед хээрээс осгосон байдалтай байхад нь олсон бөгөөд эмнэлгийн тусламж үзүүлсэн ч харамсалтай нь нас баржээ.
Тус хэргийг Цагдаагийн байгууллага үргэлжлүүлэн шалгаж байна.
