Өнгөрсөн шөнө буюу гуравдугаар сарын 4-5-нд шилжих шөнө Шүүхийн шийдвэр гүйцэтгэх ерөнхий газрын харьяа 427 дугаар нээлттэй, хаалттай хорих ангиас хоёр хоригдол оргосон хэрэг гарчээ.
Эдгээр хоёр хоригдлын нэгийг өнөөдөр Багануур дүүргийн нутаг дэвсгэрээс баривчилсан бол нэг хоригдлыг эрэн хайх ажиллагаа үргэлжилж байна.
Энэ талаар ШШГЕГ "Багануур дүүрэг дэх 427 дугаар нээлттэй, хаалттай хорих ангийн уурын зууханд галчаар ажиллаж байсан хоёр хоригдол өнгөрсөн шөнө оргосон. Шүүхийн шийдвэр гүйцэтгэх байгууллагаас эрэн сурвалжлах ажиллагааг шуурхай эхлүүлж, нэг хоригдлыг олж, баривчилсан. Одоо нэг хоригдлыг эрэн сурвалжилж байна" гэх тайлбар мэдээлэл өгчээ.
Сэтгэгдэл (1)
Анхаар!
Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд хариуцлага хүлээхгүй. !!!