УИХ-ын гишүүн асан Ж.Мөнхбатыг "Нүүрсний хэрэг"-т яллагдагчаар татан, мөрдөн шалгах ажиллагааг АТГ-аас явуулж байгаа билээ. Тэгвэл Ж.Мөнхбат нь өнгөрсөн аравдугаар сард БНСУ-аар дамжин Сингапурт очиж, тэндээ байгаа талаар эх сурвалж мэдээлжээ.
Түүнийг бусадтай нийлж, нүүрсний мөнгийг угааж, хаус хороолол барьсан, хахууль өгсөн зэрэг үндэслэлээр шалгаж байгаа гэх мэдээлэл цацагдсан бөгөөд Сингапур улсаас түүнийг албадан авчрах боломжгүй байгаа нь олны анхаарлыг улам бүр татаад байна.
Тэрээр "Нүүрсний сонсгол"-д гэрчээр дуудагдаж, мэдэгдэх хуудас хүргүүлсэн ч, ямар нэгэн хариу өгөөгүй нь түүнийг оргон зайлсан байж болзошгүй гэх хардлагыг төрүүлээд байгаа аж.
