Төв аймгийн Баянчандмань сумын "Чандмань" баг шувууны аж ахуйд өнөөдөр /2024.06.04/ өглөө гал гарчээ. Тодруулбал, 18х110 метрийн хэмжээтэй шувууны аж ахуйн сендвичэн барилга шатаж байна гэсэн дуудлагыг Онцгой байдлын ерөнхий газрын зургадугаар сарын 4-ний 04:52 цагт хүлээн авсан байна.
Дуудлагын дагуу Сонгинохайрхан дүүргийн Гал түймэр унтраах, аврах 26 дугаар анги, Баянгол дүүргийн Онцгой байдлын хэлтсийн 18 дугаар анги, Төв аймгийн Батсүмбэр сум дахь 84 дүгээр ангийн алба хаагчид ажиллаж байна гэдгийг албаныхан мэдээллээ.
Энэ талаар мэдээллийн ОБЕГ-аас тодруулахад, “Одоогийн байдлаар гал бүрэн унтраагүй, галыг унтраахаар үргэлжлүүлэн ажиллаж байгаа тул бүрэн мэдээлэл өгөх боломжгүй. Галаас шалтгаалан гэмтэж бэртсэн хүн байхгүй байна” гэв.
