МҮОХ-ноос спорт холбоодын ерөнхий нарийн бичгийн дарга нарт зориулсан ээлжит сургалтыг өчигдөр Олимпик хауст зохион байгууллаа. Сургалтад МҮОХ-ны ерөнхийлөгч Б.Баттүшиг, дэд ерөнхийлөгч О.Одбаяр нар оролцсон бөгөөд 40 гаруй спорт холбооны төлөөлөл оролцов.
Сургалтын эхэнд МҮОХ-ны дэд ерөнхийлөгч О.Одбаяр “Орчин цагт спортын байгууллагыг удирдах нь” сэдвээр танилцуулга яриа хийв.
Мөн Хувь хүний хөгжлийн институтийн лектор, боловсрол судлаач М.Эрдэнэчимэг Бүтээмж нэмэгдүүлэх хөтөлбөрийн хүрээнд хоёр цагийн сургалт хийв. Сургалт маш өгөөжтэй, сонирхолтой байсныг оролцогчид онцолж байлаа.
Сургалтын үеэр “Ханжоу-2022” Азийн наадмын талаарх дэлгэрэнгүй мэдээллийг спорт холбоодод өгөв.
