“Худалдагч охин“ кино “Алтан дугуй“ цом хүртжээ
 
Энэ мэдээ хуучирсан буюу 2023/03/09-нд нийтлэгдсэн мэдээ болно.
Ангилал
Урлаг
Огноо
Унших
1 минут 36 секунд

“Худалдагч охин“ кино “Алтан дугуй“ цом хүртжээ

Ж.Сэнгэдорж найруулагчийн уран бүтээл болох “Худалдагч охин” уран сайхны кино Франц улсад зохион байгуулсан "Vesoul International Film Festival in Asian Cinema" 29 дэх кино фестивалийн "Шилдэг кино" буюу "Алтан дугуй" цом хүртжээ. Дэлхийн 31 орны 85 кинотой өрсөлдөж, энэ нэр хүндтэй шагналын эзэн болсон тухай уран бүтээлчид дуулгалаа.

"Худалдагч охин" уран сайхны кино ирэх дөрөвдүгээр сарын 28-наас Японы кино театруудад албан ёсоор нээлтээ хийх аж.

Олон улсын кино фестивалийн гол номинаци болох "Шилдэг уран сайхны кино" хэсэгт Сингапур, Япон, Филлипин, Энэтхэг, Азербайжан, Иран, Өмнөд Солонгос, Вьетнам зэрэг орны кинонууд өрсөлдсөн байна. Наадмын ерөнхий шүүгчээр Бусан олон улсын кино фестивалийн захирал Lee Yong Kwan ажиллажээ.

"Худалдагч охин” уран сайхны кино 2022 онд Нью-Йоркийн Азийн кино фестивалийн шилдэг кино шагнал хүртэж байсан. Мөн Осакагийн Азийн кино фестивалийн уралдаант хэсэгт шалгарч, залуу жүжигчин Б.Баярцэцэг "Шилдэг эмэгтэй дүр"-ийн шагналыг 2022 оны гуравдугаар сард эх орондоо авчирсан юм. Уг уран сайхны кино 2021 онд нээлтээ хийсэн бөгөөд гол дүрд жүжигчин О.Энхтуул болон залуу жүжигчин Б.Баярцэцэг нар тоглосон билээ.

330321967_1922388661432504_5052919172220212878_n

“ЗГ дэмжвэл иргэд 0,07 га газрын эрхээрээ орон сууцтай болох боломжтой”
“ЗГ дэмжвэл иргэд 0,07 га газрын эрхээрээ орон сууцтай болох боломжтой”
 
Метроны бүтээн байгуулалтад 333 тэрбум, зөвлөх үйлчилгээнд 54.6 тэрбум төгрөг зарцуулна
Метроны бүтээн байгуулалтад 333 тэрбум, зөвлөх үйлчилгээнд 54.6 тэрбум төгрөг зарцуулна
Энэ мэдээ хуучирсан буюу 2023/03/09-нд нийтлэгдсэн мэдээ болно.