Чингэлтэй дүүргийн долдугаар хороо, Баянхошууны шинэ буудалд “Миний” дэлгүүрийн агуулахад гал гарч байна гэсэн дуудлага өнөөдөр буюу 04 дүгээр сарын 08-ны өдрийн 10:28 цагт иржээ. Дуудлагын дагуу нийслэлийн Аврах анги, Чингэлтэй дүүргийн Онцгой байдлын хэлтсийн Гал түймэр унтраах, аврах 10 дугаар анги, СХД-ийн Онцгой байдлын хэлтсийн Гал түймэр унтраах, аврах 29, 26 дугаар ангийн алба хаагчид үүрэг гүйцэтгэн ажиллаж байна.
Галын голомтод ажиллаж байсан 2 алба хаагч хөнгөн бэртэж эмнэлгийн тусламж авч байгаа бол 1 алба хаагчийг гал гарсан объектод хайж байгаа талаар бид өмнөх мэдээгээрээ мэдээлсэн.
Харин гал гарсан объектод алга болсон алба хаагч амиа алдсан болохыг эх сурвалж мэдээлээд байна.
