Зүүн Азийн орнуудын шим мандлын нөөц газруудын сүлжээний 16-р хурал өнөөдөр Кемпински зочид буудалд эхэллээ. Тус сүлжээнд Монгол, БНХАУ, Япон, БНСУ, Казахстан зэрэг долоон орон багтдаг.
Энэ удаагийн хурлаар Увс нуурын хотгорыг ЮНЕСКО-гийн хил дамнасан шим мандлын нөөц газарт, Хөвсгөл нуурыг ЮНЕСКО-гийн Хүн ба шим мандал хөтөлбөрт бүртгүүлсэн батламжийг ЮНЕСКО-гийн Бээжин дэх төлөөлөгчийн захирал Шахбаз Хан БОАЖ-ын сайд Б.Бат-Эрдэнэд гардуулав.
Хөвсгөл нуурыг шим мандлын хөтөлбөрт бүртгэснээр нуур орчмын 1.7 сая га газрыг хамгаалж, экосистемийг унаган төрхөөр нь хадгалж үлдэхэд ЮНЕСКО-гоос дэмжлэг үзүүлэх юм.
Манай улс 2022 онд Онон Балжийн байгалийн цогцолбор газрын Шим мандлын нөөц газрын хөтөлбөрт бүрттгүүлэхээр материалаа долоо хоногийн өмнө илгээсэн. 2023 онд Хар ус нуурыг Шим мандлын хөтөлбөрт бүртгүүлэхээр бэлтгэл хангаж байна.
