Хөвсгөл далайн үзэсгэлэнг тольдохоор гадаад, дотоодын аялагчид хэдэн мянган км газар туулан Хөвсгөл аймгийн Хатгал сумыг зорин очтол нээлтийн үйл ажиллагаа нь гутааж орхисон тухай дуулиан дэгдэж байна.
Учир юу вэ гэвэл “Хөх сувд-2023” фестивалыг нээхдээ лам нараар ном хуруулж, хэдэн бээвийсэн дарга нар ул боов барьж зогсчээ. Утасгүй бол үхлээ юу гэдэг шиг лам урьж, ном хуруулахгүй бол нээлтийг нь хийж болдоггүй фестиваль юм байхдаа. Ингэж өвлийн аялал жуулчлал хөгжүүлэхгүй ээ, дарга нар аа. Бүтээлчээр сэтгэ, бусдаас суралц.
Улаанбаатар хотын иргэд дээрх фетивальд оролцохын тулд наад зах нь 800 км зам туулж очиж буй. Тэднийг лам нарын ном хурахыг сонсох гэж очсон гэж бодоогүй биздээ.
Ер нь МАН 2016 оноос эхлэн Засгийн эрх барьснаас хойш тууз хайчилж, туг мандуулдаггүй арга хэмжээ ховор болсон гэж хэлэхэд хэтрүүлсэн болохгүй. Тэр бүгдэд ёс юм шиг лам урьж ном хуруулдаг жишиг тогтсон. Ямар аргатайдаа иргэдийн дунд “00 барьж, ашиглалтад оруулахад ч лам залж, ном хуруулах нь холгүй юм болж байна” гэсэн яриа гарсан байх билээ.
Хөвсгөл аймгийн тухайд 2020 оны орон нутгийн сонгуульд Ардчилсан нам ялж, засаглалаа тогтоосон. "Хөх сувд-2023" арга хэмжээг зохион байгуулахад Хөвсгөл аймгийн Засаг даргын Тамгын газраас гадна Байгаль орчин, аялал жуулчлалын яам хамтарч буй. Харин "хамтрал"-ынхны аялал жуулчлалыг хөгжүүлэх зорилготой зохион байгуулж буй арга хэмжээний нээлт нь хүүхэд, нохойн доог болох нь тэр
.jpg)
